Moti i kthjellët dhe vranësira e lehta dominojnë të gjithë territorin, përjashtuar zonat veriore-verilindore ku vranësirat do të jenë më të dendura. Po ashtu, pasditja dhe mbrëmja vijojnë në ndikimin e kushteve të qëndrueshme atmosferike ku kthjellimet dhe vranësirat kalimtare mbeten dominante.

Sipas MeteoAlb, temperaturat e ajrit ulen ndjeshëm në vlerat minimale deri në -1°C. Ndërsa mesdita do të ruajë maksimumin në rang territori 23 °C.

Era do të fryjë mesatare veri-qendër deri e fortë në Jug me shpejtësi mbi 45 km/h nga drejtimi verior-verilindor duke krijuar në det dallgëzim 3 apo 4 ballë.

- reklamë -

Kthjellime dhe vranësira të lehta dominojnë zonat Veriore dhe Qendrore por me vranësira të shpeshta mbetet ekstremi Jugor dhe Juglindja.

Pasditja sjell vranësira të shpeshta në zonat malore por bregdeti dhe zona e ulët vijojnë me kthjellime e vranësira kalimtare deri vonë në mbrëmje kur vranësirat afrohen në vijën bregdetare duke sjellë shira të dobët. Sipas MeteoAlb, temperaturat e ajrit rriten lehtë në të dy ekstremumet termike ditore.

Ato do të variojnë nga 7°C mëngjesi deri mbi 29°C maksimumi gjatë mesditës. Era do fryjë e lehtë dhe mesatare, me shpejtësi 35 km/h nga drejtimi Juglindor dhe Lindor ndërsa në det gjenerohet dallgëzim 2 ballë. 

- reklamë -

Moti për ditën e premte në pjesën më të madhe të territorit do të vijojë me kthjellimet dhe vranësira të lehta. Vranësira më të dukshme paraqiten në zonat malore.

Sipas MeteoAlb, pasditja mbetet e kthjellët në Jug dhe Qendër, por vranësira lokale do të zhvillohen në Veri, duke sjellë gjatë mbrëmjes shira të izoluar.

Temperaturat e ajrit rriten lehtë në mëngjes dhe mesditë, duke shkuar në maksimum deri në 35 gradë.

- reklamë -

Era do të fryjë mesatare, deri e fortë në Jug, me shpejtësi deri 40 km/h nga drejtimi Verior, ndërsa në det krijohet dallgëzim mbi 2 ballë.