Aktori i njohur George Clooney është përfshirë në një aksident të rëndë teksa ishte duke udhëtuar me një motor në Sardenja të Italisë ku ndodhet për xhirimet e një filmi.
Edhe pse përplasja ka qenë e fortë, fatmirësisht aktori hollivudian 52-vjeçar ka shpëtuar mrekullisht.
Mediat italiane kanë publikuar edhe videon e momenteve të përplasjes.
Në pamje duket që Clooney ecën pa u ndalur edhe pse në krahun e kundërt ishte një automjet që po tentonte të kthej në të majtë në një rrugë tjetër.
Në ato momente, motori që drejtohej nga Clooney u përplas me forcë dhe ai fluturoi në ajër.
Ai u transportua me urgjencë në spital nga ku raportohet se ka pësuar disa lëndime. Të paktën 20 ditë ai duhet t’i nënshtrohet trajtimeve mjekësore.
