Cristiano Ronaldo u transferua te Juventusi këtë verë duke u bërë një nga blerjet më të bujshme në Seria A.
Tashmë Ronaldo është emëruar ambasador i DAZN Italia, një kompani për transmetimin e ndeshjeve sportive.
Vetë portugezi ka dalë në një intervistë për transmetuesin më të ri të Serisë A, duke thënë se synimi është që të triumfojnë në Champions.
Ronaldo ka folur edhe për të birin, Ronaldo Junior, duke thënë se është i bindur që edhe ai do të ketë një të ardhme të ndritur në futboll.
“Ai është si unë, nuk i pëlqen aspak të humbasë dhe ka shumë shpirt gare. Jam i sigurt se do të bëhet një futbollist i madh, si unë”, deklaroi CR7.
