Edita Tahiri, përgjigje Ramës: Nuk ishe i zoti ta kundërshtoje në Serbi ndryshimin e kufijve

E Enjte, 10 Janar 2019 17:11

Ish-kryenegociatorja e Kosovës për bisedimet me Serbinë, Edita Tahiri, ka reaguar ndaj deklaratave të Edi Ramës kundër saj në lidhje me vendimin e Presidentit Ilir Meta për të mos dekretuar Gent Cakajn në postin e ministrit të Jashtëm.
Në një intervistë për "Ora News", ajo theksoi se Rama nuk ishte i zoti për të kundërshtuar gjatë vizitës në Beograd ndryshimin e kufijve midis Kosovës dhe Serbisë.

"Mendoj që Presidenti Meta bëri një vendim kombëtar dhe vizionar sepse nuk dekretoi një kandidat që ishte hapur për ndryshimin e kufijve, që i bie që ka qenë hapur pro dëmtimit të interesave nacionale. Me këtë vendim, Presidenti Meta edhe një herë e rikonfirmoi ashtu siç është deklaruar që është në mbrojtje të shtetit të Kosovës dhe luftës tonë 100 vjeçare për të ardhur deri tek pavarësia", tha Tahiri.

Theksoi se vetë Edi Rama kur ishte në Serbi në vitin 2016, nuk ishte i zoti t'i thoshte jo ndryshimit të kufijve homologut serb dhe në këtë lojë u përfshi edhe zt.Thaçi, duke importuar ide serbo-ruse.

"Kryeministri Rama është mjaft i pasur me fjalorin e tij për të bërë reagime, dhe s'di si e gjen për kohën për këtë, në vend që të ulet dhe të mendojë strategjikisht për kombin shqiptar, për luftën gjeopolitike që po ndodh sot në dialogun e Brukselit. Vetë Edi Rama kur ishte në Serbi në vitin 2016, nuk ishte i zoti t'i thoshte jo ndryshimit të kufijve homologut serb dhe në këtë lojë u përfshi edhe zt.Thaçi, duke importuar ide serbo-ruse. Këto nuk janë vetëm në dëm të Kosovës, por në dëm të kombit shqiptar. Sot është koha që vetë zt.Rama të ulet dhe të mendojë pse nominoi këtë kandidat dhe pse largoi Ditmir Bushati, i cili mbrojti kufijtë e Kosovës. Më shumë se çështje individësh, kjo është një çështje kombëtare", tha Tahiri.

Ajo ia ka kujtuar kohën Ramës kur ai jetonte jashtë Shqipërisë.

"Liderët kanë përgjegjësi. Unë jam një prej themeluesve të këtij shteti. Ne në 100 vjet kemi bërë luftë. Rama nuk ka qenë fare në Shqipëri për 10 vjet kur ne kemi luftuar përballë armikut. Kemi përjetuar gjithë atë gjenocid dhe prapë jemi ku jemi sepse shqiptarët e bëjnë shqiptarinë dhe tokat janë tonat. Prandaj, këmbimi i territoreve nuk mund të ndodhë sepse edhe veriu i Kosovës edhe Lugina e Preshevës janë tonat. Mos të flasim që historia jonë ka qenë deri në Nish. Nuk e di se sa i di zt.Rama këto se ndoshta është i zënë me këto këmbime", ka përfunduar Tahiri.

Ndryshe, reagimi i ashpër i Tahirit ndaj Ramës ka ardhur pasi kryeministri i Shqipërisë shkroi se Tahiri është bashkuar me disa ‘vizionarë’ për të sulmuar Cakajn.

“Ah edhe Edita Tahiri, bashkuar me ca qyqarë që salutojnë vendimin e vizionarit IM! Ah çfarë llumi mllefi e terri që “vizionarët”e kësaj kategorie e jashtëqesin si lumë dashurie për kombin! Genti e dashur Edita i meriton sulmet tuaja aq sa këta “vizionarë” emrin njeri! Po ti xhan?”, ishtë shprehur Edi Rama.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Teatri Kombëtar, kompania BIG e projektit nuk e mohon ndarjen nga Fusha.shpk

Aktualitet

Teatri Kombëtar, kompania BIG e projektit nuk e mohon ndarjen nga Fusha.shpk

Bjarke Ingels Group (BIG) ka konfirmuar se mbetet “i ngazëllyer” për “përfshirjen e vazhdueshme” në zhvillimin e ndërtesës së Teatrit Kombëtar në Tiranë, pa dhënë asnjë detaj në lidhje me...

Rinia e varfër e Ibrahim Kodrës

Kulturë

Rinia e varfër e Ibrahim Kodrës

Ibrahim Kodra, kur ishte 17 e pak vjeç, ishte “bursjer në kursin e dytë Daltë”. Për shkak të pamundësisë ekonomike, i lutet drejtorisë së Institutit Teknik “Naim Frashëri” në Tiranë...

Daniel Steel, shkrimtarja e pavlerësuar që hyri në librin Guinness

Kulturë

Daniel Steel, shkrimtarja e pavlerësuar që hyri në librin Guinness

Se shkrimtarja amerikane Daniel Steel ishte në një periudhë kohe një nga emrat më të dëgjuar të letërsisë, këtë e dinë të gjithë ata që kanë shkuar qoftë edhe një...

Sondazh

Nothing found!

Sondazh

Nothing found!