Pas zyrtarizimit të shitjes së kompanisë Telekom Albania te kompania ‘Albania Telecom Invest AD”, Sindikata e Punonjësve të Post-Telekomit kërkon garanci për punonjësit, duke garantuar të drejtat e tyre në punë.

Në një prononcim për TV SCAN, kreu i sindikatës Renato Muçaj kërkon që Ministria e Infrastrukturës dhe Energjisë dhe AKEP të bëjnë publike negociatat e deritanishme.

Muçaj kërkon dhe nënshkrimin e kontratës kolektive përpara finalizimit të shitjes, si e vetmja formë që mund të mbrojë punonjësit.

Deri më tani institucion shqiptare nuk kanë patur asnjë reagim në lidhje me këtë çështje, ndërkohë që sindikata thekson se procesi i kalimit të pronësisë do të monitorohet.

Telekom Albania numëron rreth 400 të punësuar apo 27 për qind te punonjësve ne sektorin e komunikimeve celulare ne Shqipëri.