Prokuroria e Përgjithshme u ka bërë thirrje prokurorëve për nisjen e hetimeve për sigurinë ushqimore.

Prokuroria e Përgjithshme iu është drejtuar prokurorisë së Beratit, si prokurori kompetente, me një kërkesë të menjëhershme për vlerësimin ligjor të të gjitha rrethanave dhe fakteve të dyshuara që mund të përbëjnë vepër penale.

"Përfitojmë nga rasti të falënderojmë median e njëkohësisht t’ju bëjmë thirrje të gjithë prokurorëve të ushtrojnë funksionet e tyre duke qenë të ndjeshëm dhe të vëmendshëm ndaj të gjitha burimeve të hapura të informacionit për ngjarjet sensibilizuese dhe me ndjeshmëri për opinionin publik,"-thuhet në njoftimin për mediat të Prokurorisë së Përgjithshme.

Reagimi i Prokurorisë së Përgjithshme pas denoncimit në media se për produktet që ne konsumojmë, nuk ka asnjë laborator që të garantojë sigurinë, për sa i takon shtesave, konservantëve (ruajtësve jetëgjatësisë), hormoneve, nivelit të pesticideve, etj.

Mbi të gjitha, laboratorët e AKU-së nuk janë të akredituar.