Sot në Tiranë ndodhet ministri i Punëve të Brendshme i Turqisë, Süleyman Soylu. Ministri turk është pritur aë Aeroportin Ndërkombëtar të Tiranës nga zv/ministri i Punëve të Brendshme i Shqipërisë, Besfot Lamallari dhe ambasadori turk në Tiranë, Murat Ahmet Yörük.
Ai është pritur në takime të veçanta me kryeministrin Edi Rama dhe me ministrin e Brendshëm, Sandër Lleshaj. Nga ana e Këshillit të Ministrave nuk ka asnjë njoftim zyrtar për këtë takim të zhvilluar paradite. Ndërkohë për takimin me Sandër Lleshin thuhet se është diskutuar për bashkëpunimin mes dy vendeve në fushën e sigurisë, si dhe ndihmën e Turqisë për policinë dhe forcat speciale shqiptare.
Por mediat turke japin të tjera arsye për vizitën e ministrit të Brendshëm të Turqisë. Media turke shkruan se në takimin me Ramën ministri ka diskutuar Organizatës Terroriste FETO, ose siç njihen ndryshe gylenistët. Prej kohësh Turqia ka kërkuar nga Tirana që ta ndihmojë në arrestimin dhe ekstradimin e gylenistëve, të cilët qeveria i akuzon si pjesë të komplotit për grushtin e shtetit.
