Kryeministri i Kosovës, Ramush Haradinaj, ka ritheksuar se është gabim nëse Kosova heq taksën ndaj mallrave serbe, pa e njohur Serbia Kosovën si shtet i pavarur.
Në akademinë përkujtimore kushtuar dy heronjve, Skender Rexhepit dhe Fitim Durakut, Haradinaj ka lëshuar akuza të rënda ndaj elitës politike që ka udhëhequr Kosovën deri tani, duke u shprehur se janë gabim të gjithë ata njerëz që e kanë marrë në qafë Kosovën.
“Është gabim që Kosova të heqë taksën pa njohjen. Mos harroni këtë. Janë gabim po ata të njëjtit njerëz që na kanë marrë në qafë, që s’kanë ditur të thonë ‘po e jo’, e na kanë lanë kështu prej 20 vitesh”, tha ai.
Haradinaj theksoi se Kosova nuk duhet të heqë dorë nga e drejta e saj.
