Inspektorati Policor i Kosovës (IPK) sot në orët e pasdites ka arrestuar edhe një zyrtare policore në Zubin Potok.

Arrestimi i të dyshuarës sot (zyrtare policore e policisë kufitare me inicialet B.T) vjen si vazhdimësi e operacionit të djeshëm që u zhvillua në bashkëpunim me Policinë e Kosovës në veri të vendit.

Operacioni i djeshëm është bërë pas disa dyshimeve të përfshirjes së disa zyrtareve policor dhe të disa qytetarëve në; “Pjesëmarrje ose Organizim i Grupit Kriminal”, në lidhje me veprat tjera penale si; “Kontrabandim me Mallra”, “Keqpërdorim i Pozitës Zyrtare”, “Dhënie e Ryshfetit”, “Tregti e Ndaluar” etj.