Në një video që po bën xhiron e rrjetit kryeministri i ri i Kosovës Albin Kurti është filmuar në tribunat e stadiumit “Fadil Vokrri” kur po zhvillohej ndeshja Kosovë – Mali i Zi.

Për ta parë këtë ndeshje, kreu i Lëvizjës Vetvendosje nuk shkoi te tribuna VIP. I pyetur nga një tifoz se përse nuk ka shkuar të shohë lojën nga tribuna e VIP-ave, Kurti është përgjigjur :

“Se kam dëgjuar se atje mund të ta vjedhin kuletën”. Një përgjigje kjo që tregon edhe natyrën pa komplekse dhe plot humor të kryeministrit të ri të Kosovës.

Kurti vizitoi Tiranën në fundjavë. Ai nuk zhvilloi takime zyrtare, por u prit nga mbështetësit e tij në Shqipëri. Kujtojmë se lajmi i vizitës së tij u shënua edhe me një aksident rrugor por që fatmirësisht rezultoi pa pasoja.