Më shumë se 100.000 vizitorë do të priten në Windsor, në perëndim të Londrës, për dasmën e Princ Harry-t dhe aktores amerikane Meghan Markle, më 19 maj.
Njoftimi është dhënë nga policia.
"Ky festim kombëtar pritet të tërheqë më shumë se 100,000 njerëz nga e gjithë bota në Windsor,"-tha policia.
Policia e Thames Valley njoftoi se do të merren një sërë masash për sigurinë në vend, duke përfshirë barriera rrugore, kontrollin e turistëve etj.
Gjatë ditës së dasmës vendi do të jetë i mbushur me policë të armatosur, qen policorë dhe helikopterë.
Princi Harry dhe Markle do të martohen në Kishën e Shën Gjergjit, brenda rezidencës së Mbretëreshës Elizabeth II Windsor Castle.
