Gjykata e Shkallës së Parë në Shkodër, pas dërgimit të çështjes së grupit Bajri në këtë qytet pasi SPAK shpalli mos-kompetencë, ka vendosur masën e sigurisë në një seancë për rikonfirmim për të dyshuarit.
Kështu Gjykata vendosi “arrest me burg” për shtetasit Ilir Bajri, Safet Bajri, Behar Bajri, Astmer Bilali, Sirjan Aliaj dhe Emrah Plaku.
Po ashtu, mësohet se Gjykata dha masën e sigurisë “arrest në shtëpi” për shtetasen Jonida Murati, e dashura e Safet Bajrit e cila nuk jetonte në Shkodër, por që paguhej si mjeke në Spitalin Rajonal të këtij qyteti.
Gjykata vendosi “detyrim paraqitje” për mjekun Senad Hallunaj, kryeinfermieren në Spitalin e Shkodrës Florine Hoxha dhe financieren Mira Nikaj.
Gjykata e Posaçme Antikorrupsion ka vendosur që të dëgojë dosjen për grupin Bajri në prokurorinë e Shkodrës, duke shpallur moskompetencën e SPAK për këtë çështje.
