Veli Hashorva (1892-1975), çeli në Gjirokastër në vitin 1920 gazetën “Drita”, e cila për aq sa doli, ishte ndër më interesantet e shtypit shqiptar, duke pasqyruar ngjarje e analiza të duhura për historinë tonë. Në numrat e parë, Veliu i porosiste këndonjësit e vet të mos kërkonin të botonin me pseudonime, ose të paktën të jepnin arsye pse e kërkonin një gjë të tillë. Megjithëse kanë kaluar 102 vjet, populli ynë nuk heq dorë nga pseudonimet, tashmë në formë elektronike.