Një nënë franceze e cila mbajti fëmijën e saj në një makinë të mbushur plot me krimba, është dënuar me pesë vite burg. Rosa-Maria Da Cruz fshehu vajzën e saj, Séréna, në një Peugeot 307 në një dhomë sekrete në shtëpinë e saj për dy vjet.

Ajo thuhet se ka fshehur shtatzëninë dhe lindjen nga partneri i saj dhe tre fëmijët e saj më të rritur. Tani në moshën 7 vjeçare, Séréna ka aftësi të kufizuara dhe tipare autizmi për të cilat ekspertët thonë se janë shkaktuar nga privimi shqisor.

Vajza e vogël, e cila nuk flet është vendosur në kujdestari. Foshnja Séréna u zbulua në vitin 2013 nga një mekanik garazhi, i cili dëgjoi zhurma kur makina u soll për riparime. Ai hapi portbagazhin për të gjetur fëmijën e rrethuar nga jashtëqitjet.

Presidenti i gjykatës Assize në Tulle, në Francën qëndrore, tha se dënimi i Da Cruz do t’i mundësonte asaj të edukonte tre fëmijët e tjerë, për të cilët një pediatër tha se ishin rritur në mënyrë të përkryer.

Gjykata Assize gjithashtu urdhëroi që asaj t’i hiqet përgjithmonë autoriteti prindëror mbi Sérénën. Da Cruz nuk pritet të apelojë vendimin.