Një baba është fotografuar në momentet e tij më të vështira. 48-vjeçari Ilhami Korkmaz ka tërhequr të dielën nga morgu trupin e vajzës së tij 15-muajshe, e cila u rrah për vdekje nga e ëma.

Agjencia e lajmeve“IHA” raporton se ngjarja e rëndë ka ndodhur në distriktin Seyhan të Adanas, në Turqi. Sipas raportimeve paraprake, 23-vjeçqrja Aysel Y. ishte ndarë nga bashkëshorti i saj, me të cilin kishte 2 fëmijë, një prej të cilëve vetëm 15-muajshe, pas konflikteve në çift që shkonin deri në dhunë. Korkmaz, baba i 6 fëmijëve, ishte divorcuar edhe 2 herë të tjera.

23-vjeçarja mësohet se ka rrahur rëndë të bijën, ndërsa kur ka parë që nuk lëvizte më ka telefonuar babanë e vajzës. Korkmaz ka mbërritur menjëherë në vendngjarje sëbashku me ambulancën, por fatkeqësisht e mitura kishte ndërruar jetë.

Për gjithë ngjarjen, e ëma e fëmijës akuzon 48-vjeçarin, pasi sipas saj problemet e tyre në çift kishin filluar pasi bashkëshorti i saj kishte nisur të takohet sërish me njërën prej ish-bashkëshorteve të tij. Fotoja e babait në lot është shpërndarë gjerësisht në rrjetet sociale.