Pedagogu i Universitetit dhe ish-ministri i Arsimit i Libanit në vitet 2011-2014, Hassan Diab, është zgjedhur kryeministër i ri i vendit, pas dorëheqjes së paraardhësit të tij Saad Hariri.
Lëvizja myslimane e Shia Hezbollah e Libanit dhe aleatët e saj kanë vendosur të emërojnë profesorin Hassan Diab si kryeministër, pas konsultave me presidentin e vendit, raporton newsbomb.al. Paraardhësi i Diab, ish-kryeministri Saad Hariri dha dorëheqjen në tetor të këtij viti pas protestave të fuqishme që shpërthyen në gjithë vendin, ndërsa dje u largua nga detyra zyrtarisht.
Ndërkohë, edhe profesori Diab nuk do ta ketë aq të lehtë detyrën pasi nuk ka siguruar mbështetjen e bllokut kryesor të Sunitëve, ç’ka mund t’i vështirësojë formimin e qeverisë dhe marrjen e ndihmave nga Perëndimi, raporton newsbomb.al.
Gjatë ditës së sotme, Presidenti Michel Aoun zhvilloi bisedime zyrtare me anëtarët e parlamentit për të zgjedhur kandidatin e ri që do të bëhej kryeministër dhe kështu u emërua pedagogu Hassan Diab pasi ishte kandidati me mbështetjen më të madhe.
Pedagogu dhe ish-ministri Hassan Diab, i zgjedhur tashmë kryeministër, u emërua nga fraksionet më të mëdha myslimane shiite, Hezbollah dhe Amal dhe partia FPM e presidentit Aoun, të cilat së bashku kontrollojnë shumicën e vendeve në parlamentin me 128 anëtarë.
