Kryeministri izraelit Benjamin Netanyhahu ka paralajmëruar për një hakmarrje “të fortë” kundër çdo vendi që sulmon Izraelin.

Gjithashtu ai riafirmon mbështetjen ndaj SHBA për vrasjen e Komandantit Ushtarak iranian Qasem Soleimani në sulmin e urdhëruar nga Presidenti amerikan Donald Trump.

“Kushdo që përpiqet të na sulmojë do të marrë goditjen më të fortë”, tha Netanyahu siç citon Reuters.

‘Goditja më e fortë’ do të jetë për ata që sulmojnë Izraelin tha ai, në një kohë që Teherani ka nisur sulmet në bazat irakiane që strehojnë ushtarë amerikanë.

***

Presidenti iranian kërcënon amerikanët: I pretë dorën Sulejmanit, ne do t’i presim këmbët SHBA

Rriten tensionet mes SHBA-ve dhe Iranit, pas vrasjes së gjeneralit Qasem Soleimani. Pasi sulmuan me 35 raketa balistike dy baza ushtarake në Irak, ku qëndrojnë ushtarë amerikanë, vjen një deklaratë kërcënuese nga presidenti iranian, Hassan Rouhani.

Ky i fundit përmes një deklarate për mediat ka paralajmëruar Shtetet e Bashkuara të Amerikës pas sulmit të fundit. “I pretë dorën Sulejmanit, ne do t’i presim këmbët SHBA”, -thuhet në reagimin e fortë të presidentit.

Shtëpia e Bardhë reagoi menjëherë pas sulmit të Iranit, ku të vrarë mbetën 80 persona dhe u plagosën mbi 200 të tjerë. Me anë të një mesazhi në ‘Twitter’ Tramp shkruante se gjithçka ishte në rregull dhe se përjashtoi viktimat në radhët amerikane.

“Gjithçka është në rregull. Po janë hedhur raketa në bazën amerikane në Irak. Jemi duke bërë një rishikim të dëmeve dhe viktimave në këto orë. Deri tani gjithçka është në rregull, ne kemi trupat më të fuqishme dhe më të organizuara në botë. Në orët e para të mëngjesit do të jap një deklaratë”- shkroi Trump.