Një autor i respektuar dhe ekspert i çështjeve të Kinës pretendon se ka të dhëna që sugjerojnë se koronavirusi ka dalë nga një laborator në Wuhan- jo nga një treg i jetës së egër.

“Argumenti se koronavirusi doli nga një treg i jetës së egër, thjesht nuk ngjit më,” tha profesor Clive Hamilton për Sky News.

Sipas tij, të dhënat sugjerojnë se rastet e para më koronavirus janë regjistruar më herët nga sa thuhet. Sipas tij, këto raste nuk kanë pasur kontakt me tregun ku thuhet se lindi virusi.

“Kjo është demonstruar në studime të cilësisë më të lartë,” tha ai.

“I vetmi shpjegim i bindshëm është që virusi ka rrjedhë nga Laboratori i Virologjisë në Wuhan”.

Kjo tezë qarkullon prej shumë kohësh në botë dhe është përkrahur edhe nga drejtuesit më të lartë në SHBA.

Hamilton se teza është hedhur fillimisht nga vetë shkencëtarët kinezë dhe u përhap masivisht në internet përpara se të zhdukej.

Në Kinë madje kanë kërkuar në internet për një grua që punonte në laborator, e cila mendohte se ishte pacientja zero. Ajo duket se është zhdukur nga faqja e dheut.