Moti në vendin tonë vijon i paqëndrueshëm edhe këtë të shtunë. Sërish priten reshje shiu në formë rrebeshi.
Sipas MeteoAlb kthjellime dhe alternime të shpeshta vranësirash dominojnë motin në të gjithë Shqipërinë. Më të dendura vranësirat gjatë pjesës së dytë të ditës kur priten rrebeshe të shkurtra shiu në ekstremet Veriperëndim – Juglindje ndërsa shira të izoluar në zonat Qendrore.
Temperaturat e ajrit do të ulen në Veri dhe Qendër por rënie më e lehtë pritet në Jug duke luhatur vlerat termike ditore nga 11 në 28°C.
Era do fryjë mesatare në Jug – Qendër por e fortë në zonat veriore, me shpejtësi 55 km/h nga Verilindja ndërsa në det vijon dallgëzim 1 – 2 ballë në Jug por 2 – 3 ballë në brigjet Veriperëndimore.
Moti për ditën e sotme, e shtunë 23 Qershor 2018 në Europë
Kthjellime dhe vranësira kalimtare dominojnë thuajse të gjithë sipërfaqen kontinentale të Europës; vranësira më të dukshme do të ketë në brigjet Perëndimore të saj.
Por zona të izoluara në Ballkan dhe Europën Qendrore do të kenë edhe rrebeshe të shkurtra shiu.
