Një kirurge e vetëshpallur "shumë kompetent" në Atlanta po përballet me disa padi për neglizhencë pasi ka postuar video në YouTube duke kënduar dhe vallëzuar mbi  pacientët e pavetëdijshëm.

Sipas WSB-TV Atlanta, një nga paditë e ngritura kundër Dr Windell Davis Boutte e akuzon atë për shkaktimin e dëmtimit të përhershëm të trurit pas kryerjes së një liposukure në vitin 2016.

Një 26 vjeçar, i biri i një paciente, tha se nëna e tij, Icilma Cornelius, iu nënshtrua procedurës përpara dasmës së saj të ardhshme, por kurrë nuk pati shansin për ta realizuar atë.

Paditësi pohoi se gjatë procedurës, Cornelius nuk ishte vendosur në anastezi të përgjithshme. Në vend të kësaj, asaj i ishte dhënë ilaçe të tilla si propofoli dhe fentanili, dhe nuk ishte monitoruar.

Pas lipozukimit tetë-orësh, pacienti shkoi në arrest kardiak dhe rrjedhimisht pësoi dëmtime të përhershme të trurit.

Një tjetër pacient i mëparshëm, Mitzi McFarland, ankohej se një teknikë e sapo-përparuar e propozuar nga doktor Boutte për të hequr yndyrën i kishte shkaktuar atij "diçka si një film horro i Frankenstein".

Pacienti ishte tronditur gjithashtu kur doli nga procedura e gjatë dhe e pa veten në një dhomë hoteli me një sanduiç në dorë.

"Më futën dhe pastaj u zgjova rreth 18 orë më vonë në dhomën e hotelit me një sanduiç të McDonald's në dorën time, një kafshim nga ajo", tha McFarland.

Videoja e vallëzimit të Boutte mbi pacientët ndërsa ata shtrihen pa ndërgjegje në tavolinën e punës shkaktuan reagime të ashpra në internet.