Kushtet atmosferike për ditën e shtunë pritet të jenë me kthjellime dhe vranësira kalimtare.

Një situatë e tillë do të jetë prezente kryesisht në Veri dhe pjesërisht në zonat Qendrore, ndërsa vranësira më të shpeshta do të ketë pjesa tjetër e vendit.

Temperaturat e ajrit mbeten konstante në mëngjes, por rritje me 2°C sjell mesdita duke ngjitur maksimumin në rang vendi deri 30°C.

Era do vijojë të fryjë e lehtë dhe mesatare, me shpejtësi deri 30 km/h nga drejtimi Veriperëndimor, duke krijuar në det dallgëzim mbi 2 ballë.

Europa

Ndërkohë, sa i përket Europës, pjesa më e madhe e kontinentit paraqitet me diell e vranësira.

Por moti kryesisht i kthjellët mbetet dominant në Europën Veriore dhe Lindore, si dhe pjesërisht në pellgun Mesdhetar.