Nga Kreshnik Çollaku

Kosova, qartësisht rrezaton në mënyrë të qëndrueshme, kulturë demokratike.

Akti i dorëzimit të detyrës nga një qeveri të tjera me respekt madje dhe ceremonial protokollar, është një standart i qytetarisë dhe pjekurisë politike, i admirueshëm.

Debati politik, kultura e vetpërmbajtjes, artikulimi, natyrshmëria e argumentit, thjeshtësia e zgjedhjeve etj etj, janë një tërësi elementesh në politikën e Kosovës që të bëjnë të bindesh se nuk kemi të bëjmë me një akt rastësosr e spontan, por me një model të qëndrueshëm.

Ky është një model jo vetëm shembull në Ballkan por edhe sfidues për vende të tjera me deficenca standartesh demokratike, disa syresh edhe pjesë e BE.

E sa i përket krahasimit të një kulture të tillë politike mes shqiptarëve të asaj pjese të kufirit në Prishtinë me pjesën tonë nga kjo anë e kufirit në Tiranë...,sidomos gjatë këtyre viteve, por jo vetëm, ka vend nëse e kemi një ndërgjegjegje minimale e ndershmëri qytetare, të skuqemi nga turpi, të korrigjohemi e marrim shembull nga ata Shqiptarët e Kosovës, nga ai standart kulture, qytetarie dhe edukate politike që po, qenka i mundur dhe në mes shqiptarëve, dhe ndodh aq lehtë e bukur në Prishtinë e që në mënyrë aq dëshpëruese mungon në Tiranë.

* Drejtues i Departamentit për Marrëdhënie me Jashtë në Partinë Demokratike