Nga Sali Berisha -
Të dashur miq, në një akt antikombëtar, bastardi i bllokmenëve hoxhist antishqiptar kreu në terrin e natës që kaloi një akt gjenocidi të vërtetë kulturor, rrafshoi njërin nga simbolet kombëtare historike, Teatrin Kombëtar dhe i zhduku Tiranës monumentin me kryesor historik dhe kulturor të saj dhe mbarë kombit.

Me këtë akt ky armik i egër i qenies dhe identitetit kombëtar ka fyer dhe poshtëruar çdo qytetar shqiptar qe konsideron kulturën e kombit tonë si njërën nga shtyllat bazë të identitetit kombëtar.

Një akt të tillë barabarie dhe gjenocidi kulturor nuk do guxonte ta ndërmerrte asnjë pushtues i huaj sado barbar që të ishte ai.

Ky akt është vazhdim në shekullin e 21-të i gjenocidit kulturor të Enver Hoxhës të shekullit të 20-të.

Pas këtij akti lufte Edvin Kristaq Xhelati renditet në radhën e armiqve më të egër të kombit, identitetit dhe qenies se tij.

Duke dënuar me ashpërsinë më të madhe aktin antikombëtar të këtij armiku të egër dhe primitiv të shqiptareve, ju bej thirrje shqiptareve të kalojnë në mosbindje totale civile gjer në momentin e përmbysjes dhe flakjes në koshin e plehrave të historisë të armikut