Ish-kryeminstri Sali Berisha ka zbuluar sot në emisionin “5 pyetje nga Babaramo” dosjet që disponon opozita për lidhjen e krimit me qeverinë. Ai tha se PD do ti publikojë dhe se ato janë siguruar edhe falë rritjes së besueshmërisë me ambasadat në vendin tonë.
Më poshtë një pjesë e intervistës së ish-kryeministrit:
Opozita zotëron fakte dhe dokumente të pushtetarëve në korrupsion dhe rritja e besueshmërisë me ambasadat ka bërë që opozita të sigurojë dosje të qeverisë të lidhura me organizatat e fuqishme të krimit të Olsi Ramës. Vëllai i Kryemisnitrit ka dokumente që të paktën 6 herë ka kaluar kufirin me makinën e grupit ët drogës së Xibrakës. Në këto 2-3 javët e fundit opozita është pasuruar shumë me dosje kriminale që lidhen me qeverinë e Rilindjes.
A i dispononi ju këto dokumente?
Sigurisht. 100%.
Pse nuk i publikoni? Mos po bëni shantazh?
Opozita ndjek një strategji në demaskimin e kësaj organizate kriminale që quhet Rilindje. Është organizata më e fuqishme në Europë. Nuk ka një qeveri që të jetë organizatë kriminale siç është qeveria në Shqipëri. Opozita në këtë aspekt ka dhënë një kontribut të madh. Nëse Saimir Tahiri është ai që është, është merita e opozitës që faktoi para prokurorisë. Opozita faktoi Geron Xhafën, ai është ën burg, e ministri jashtë qeverisë.