Çdo ditë që kalon, çdo fjalë e çdo “punë “ që bën kryebashkiaku Veliaj e demaskon veten jo vetëm për injorancën e tij, por edhe për vjedhjet, krimet mjedisore,ekonomike, sociale që kryen, vetë ose me dijeninë e tij. Që nga vjedhjet me taksat e tatimet, te vjedhja e pronës, te lejet e ndërtimit për shumëkatësha, te tenderët pa fund të klientëve të tij si “Fusha sh.p.k” etj, te vjedhja e Unazës së Re, miliona euro, tek afera korruptive e Teatrit Kombëtar,  që në fakt merakun e ka te teatri, por te godinat që priten të ndërtohen, ku ka pjesën e tij e shumë afera të tjera korruptive, pa fund. Ky njeriu që në 2014 ishte i zhytur në borxhe e kredi,sot ka miliona euro pasuri të luajtshme e të paluajtshme, si rezultat i kësaj vjedhjeje. Pa lënë mënjanë krimet, vrasjen e minorenit Ardit Gjoklaj,  krimet mbi pasurinë e qytetarëve të Tiranës, etj. E pra ky është kryehajduti i Tiranës që nga ana tjetër, është edhe kryeinjoranti në dije, sa herë që flet do të shprehë edhe injorancën e vet, pasi herë pas herë këput në media gomarllëqe, broçkulla e të pavërteta që do ia kishin zili dhe injorantët ndërkombëtare./55news.al