Kreu i PD Sali Berisha deklaroi nga foltorja e Kuvendit këtë pasdite se qeveria po vjedh pronat publike ndërsa përmendi edhe largimin masiv të shqiptarëve në 9 vite qeverisje të Edi Ramës.

Berisha deklaroi se do kenë fatin e Sri Lankës ndërsa shtoi se për 9 vite qeveria në universitetet publike të vendit ka ndaluar në mënyrë skandaloze mbrojtjen e doktoraturave, një ndër rrugët më kryesore të kërkimit shekncor.

"Ju përdorni shkencën si mekanizëm për të vjedhur pronën publike. Pse e them? Sa është buxheti i tekno-hajnisë për shkencën? Është 1/57 e vendeve, jo të OCDE, por OSBE. A ka mundësi që të ekzistojë në mendjen e tyre ideja shkencë?

Zero. Është absolutisht e vërtetë që kemi studiues të shkëlqyer, të cilët mund të bëjnë kërkime shkencore të një niveli shumë të mirë. Por çfarë ndodh me ju?

Shihni pak rrogat e tyre. Ju i keni thënë laboratorit të Ricardo Husman, i cili shkruan për mrekullitë e Edi Ramës pavarësisht se Sri Lanka ju pret, shihni atë dokumentarin e Sri Lankës. Pse ju them Sri Lanka?

Sepse keni të njëjtin laborator. Edhe ata paguanin Husman, edhe ju paguani Husman. Ju bëtë një joint venture me Sri Lankën. Atje shkonte Erion Veliaj, këtu vinte ai përfaqësuesi i Shoqërisë së Hapur të Sri Lankës. Ju garantoj se do të ndiqni fatin e njëri-tjetrit.

A e dini hemoragjinë e trurit që keni krijuar këto vite, mijëra mjekë, pedagogë, juristë, ikin, kanë ikur, ju i bëni luftë amorale shtresës së mesme.

Për 9 vite në universitetet publike të vendit në mënyrë skandaloze ndaluat mbrojtjen e doktoratave, që janë një nga rrugët më kryesore të kërkimit shkencor, po ku e dini ju çfarë është shkenca, ju jeni bërë qenie shtetërore.”-tha Berisha