Ashtu siç edhe u paralajmërua. qytetarët zhvilluan të enjten protestë para Ministrisë së Brendshme duke kërkuar drejtësi për 7-vjeçaren Jonada Avdia, e cila u vra tragjikisht në plazhin e Potamit.

Tronditja e opinionit publik për këtë ngjarje ishte e madhe. Revolta e momente tensioni shpërthyen mbrëmjen e djeshme para Ministrisë së Brendshme, ku qytetarë të shumë bënin thirrje të forta për dorëheqje.

Më pas qytetarët i janë drejtuar bulevardit “Dëshmorët e Kombit” për të protestuar para Kryeministrisë. Mijëra qytetarë kanë ndezur qirinj dhe më pas ndriçuan sheshin me dritat e telefonit.

Protestuesit iu drejtuan edhe Presidencës dhe nga aty u dëgjua ultimatumi drejtuar kryeministrit Edi Rama, se nëse deri të hënën nuk shkarkon dy ministrat përgjegjës, protestat nuk do ndalen