Shtetet e Bashkuara të Amerikës po u drejtohen zgjedhjeve të mes-mandatit mes tensioneve të forta politike. Republikanët pritet që të fitojnë këto zgjedhje, duke marrë kontrollin e Dhomës së Përfaqësuesve, e cila kontrollohet aktualisht nga demokratët.
Por tensione po regjistrohen edhe në gara të tjera. Kongresmeni republikan Lee Zeldin garon për guvernator në Nju Jork dhe mund të bëhet i pari hebre që drejton shtetin e rëndësishëm.
Një përkrahëse e tij u dhunua barbarisht në Nju Jork. Angelica Torres u dhunua fillimisht nga një grua dhe më pas nga një burrë që e kapi për fyti. Torres po mbante një pankartë kundër kandidates demokrate, Kathy Hochul.
“Isha e pambrojtur. U shokova. Nuk e prisja të ndodhte diçka e tillë,” tha ajo. “Ne ishim paqësorë. Po protestonim në përputhje me të drejtën tonë sipas Amendamentit të Parë. Ne thjesht duam që zëri ynë të dëgjohet”.
“Ndjej sikur duan që zëri im të mos dëgjohet. Mendoj se ëshët e turpshme ajo që ndodhi”, tha ajo.
Policia tha se personi që e dhunoi, në fakt po përpiqej që ta ndihmonte. Kathy Hochul, kandidatja demokrate, për të cilën kanë lobuar edhe vetë zëvendëspresidentja Kamala Harris dhe ish-kandidatja për presidente, Hillary Clinton, nuk ka reaguar.
Vetë Zeldin dënoi këtë dhunë politike dhe tha se heshtja e rivales së tij e bën atë bashkëpunëtore.
