Ish-mbrojtësi i skuadrës së Lincoln, Bradley Wood është dënuar me 6 vite pezullim për marrje kartonash me dashje për të përfituar në baste.

Federata Angleze e Futbollit (FA) e ka shpallur fajtor Wood-in për dy ndeshje. Sipas provave, ai ka ndikuar në tregun e basteve duke marrë dy kartona të verdhë në ndeshjet që ka luajtur skuadra e Lincolnit me Ipswich dhe Burnley.

26-vjeçari, edhe pse ka tentuar të mbrohet për akuzat e bëra, përveç pezullimit deri më 8 mars të vitit 2024, është gjobitur edhe me 3 700 stërlina.