Kryetari i Bashkisë së Kryeqytetit, Erion Veliaj, vijon me talljen e tij publike ndaj qytetarëve të Tiranës.

Pasi e ka “mbjellë” qendrën e qytetit me qindra kioska si në vitet ’90-të, Lali Betoni, ka deklaruar sot se ai gjoja po punon pikërisht për pastrimin e rrugëve dhe lirimin e hapësirave publike.

Nonsensi i tij ka vijuar edhe më tej, kur ka thënë se, çdo ditë, punonjësve të bashkisë u duhet një sforco e madhe për të mbajtur Tiranën pastër dhe për të vendosur rregull në rrugët e qytetit, të cilat shpesh zihen nga tregtarët e fruta-perimeve.

“Çdo ditë ndërmarrjes sonë të pastrimit i duhet të pastrojë trotuaret e të lirojë rrugët. E di që ka njerëz që me të drejtë thonë: po unë ku do shes? Kjo është arsyeja pse Bashkia e Tiranës ka mbi 22 tregje ku mund të shiten fruta-perimet, por ama duhet ta ndajmë: hyrjet e pallateve janë për të banuar, rruga dhe trotuari për të ecur, parku është për të pushuar dhe luajtur, kurse tregu është për të shitur. Nëse ndonjëri nga ju më tregon ndonjë qytet në botë i cili ka lulëzuar dhe pasuruar nga njerëzit që shesin përtokë, ma thoni dhe eja ta bëjmë Tiranën ashtu!”,- deklaroi kryebashkiaku Veliaj.

Nga ana tjetër kryebashkiaku Veliaj, i cilëson si “isterikë” të gjithë ata që e kundërshtojnë, ose i dalin kundër projekteve të tij.

Por jo më larg se dje qendrës së Kryeqytetit ju shtuan dhjetëra kioska të reja për shitje qoftesh, me lejen e vetë kryebashkiakut Veliaj./55neës.al/