Shtypja e lartë e gjakut, ndryshe njohur si hipertensioni, prek miliona njerëz në mbarë botën, veçanërisht ato të moshën mbi 30 vjeç. – ku vetëm në Mbretërinë e Bashkuar është i prekur nga kjo sëmundje një në çdo katër persona.
Ushqimet e caktuara mund të kenë ndikim negativ në shtypjen e lartë të gjakut, posaçërisht ushqimet që përmbajnë sasi të mëdha të kripës.
Megjithatë, ka disa ushqime tjera të cilat përmbajnë kalium, magnez e fibra dhe që ndihmojnë në kontrollimin e shtypjes së lartë të gjakut.
Sipas ekspertëve, kaliumi është mineral i cili ndihmon në zvogëlimin e shtypjes së gjakut duke i balancuar efektet negative që kripa i ka në trupin tuaj.
Në fakt, ata tregojnë se lëngu i portokallit është burim i mahnitshëm i kaliumit.
Kalium mund të gjeni edhe në patate, banane, jogurt dhe në qumësht pa yndyrë.
Edhe tuna është burim i mahnitshëm i kaliumit.
Hipertensioni mund të shkaktojë probleme serioze shëndetësore, madje mund të çojë edhe në sulm të zemrës e të trurit, prandaj është e rëndësishme ta kontrolloni atë.