Është dukesha e parë që përflitet kaq shumë 
Një ndër arsyet pse Meghan Markle është thuajse gjatë gjithë kohës në vëmendjen e të tjerëve, është edhe paraqitja e saj.

Thjeshtësia e karakterizoi edhe ditën e dasmës ku zgjidhi të mos i fshihte qukat, por t’i nxirrte ato në pah.

Madje falë saj, qukat janë kthyer në një “aksesor” për zbukurimin e pamjes për shumë vajza të reja, të cilat edhe pse nuk i kanë, i bëjnë tatuazh.

Një prej adhurueseve të Meghan, e quajtur Cass Montgomery, 27 vjeçe, nga Saskatcheëan i Kanadasë ka treguar për Daily Mail se dëshironte të kishte një pamje natyrale me quka dhe gjeti një zgjidhje që i pëlqeu shumë, duke i bërë tatuazh.

Tattoo artistja, Jaclyn Schultz, përdor një teknikë microblading, që e bën rezultatin të duket më natyral se tatuazhet e zakonshme.

Madje Jaclyn është shprehur se muajt e fundit po shtohen gjithmonë dhe më shumë vajzat që duan quka, të cilat i nënshtrohen një procedure që zgjat 20 minuta, ndërsa efekti rreth 3 vite.

Në momentin e parë qukat duken shumë të theksuara, por zbehen me kalimin e kohës.