Ndonëse ka qenë e shumë komentuar në media vite më parë, prej kohësh, Ermela Mezuraj, fituesja e "Big Brother 4" kishte vendosur ta shijonte jetën e saj në privatësi.

Ish-banorja kohët e fundit kishte mbyllur edhe rrjetet sociale dhe hera e fundit kur u komentua ishte kur ish-banori i "Big Brother 9", Damiano postoi një foto me të.

Së fundmi Ermela ka hapur një Instagram të ri dhe ka postuar disa foto ku shfaqet me flokët bionde kaçurrela dhe si gjithmonë duket tejet tërheqëse, por ndryshe nga hera e fundit që e kemi parë.

Ish-banorja prej kohësh ka hequr dorë edhe nga televizioni dhe nuk është parë më në ndonjë emision.