Muret ndarëse mes Kosovës dhe Serbisë për artistët tashmë janë të thyera dhe kjo është vërtetuar edhe së fundmi me pjesëmarrjen e këngëtares shqiptare, Albana Bilalli në Beograd.

Albana ka interpretuar në gjuhën shqipe në teatrin “Kosmodrom”, katër nga këngët e saj të reja, të cilat do të jenë pjesë e albumit të saj më të ri, të dytin me radhë, shkruan GazetaExpress.

Këngëtarja nga Prishtina ishte e ftuar nga saksofonisti dhe kompozitori i njohur nga Zelanda e Re, Hayden Chisholm.

Bendi me të cilin Albana ka interpretuar së bashku me Hayden ishte e tëra e përbërë nga muzikantë nga Serbia. 

Për Gazetën Express Albana është shprehur se mikëpritja ka qenë shumë e mirë nga muzikantët dhe publiku serb dhe se nuk ka pas asnjë problem ani pse ajo ka interpretuar në gjuhën shqipe.

Ndryshe Albana pritet që së shpejti ta sjell albumin e saj të dytë./GazetaExpress/