Ekipi i Anglisë është i treti që kalon në gjysmëfinalen e këtij Botërori. Fitorja ndaj Suedisë më rezultatin 2-0 i siguroi anglezëve biletën për fazën e radhës.

Anglezët ishin më superior në 45 minutat e para duke krijuar disa raste për shënim. Autori i golit të parë ishte Maguire në minutën e 30.

Me nisjen e pjesës së dytë, ishin suedezët ata që kërkonin të reagonin duke krijuar raste të mira për shënim e në një prej tyre ishte portieri anglez, i cili ndali gjuajtjen e Berg. Megjithatë, shënuesit ishin sërish anglezët, këtë herë me Dele Alin.

Goli i dytë u shënua nga “Tre luanët” në minutën e 59. Tashmë Anglia do të ndeshet në gjysmëfinale me fituesin e çiftit Rusi-Kroaci, ndeshje e cila do të zhvillohet në orën 20:00 të mbrëmjes.