Paul Pogba nuk i ka fshehur emocionet e fitores 4-2 ndaj Kroacisë dhe golit të shënuar në finalen e madhe në Luzhniki. Aq sa nuk ka përtuar që të ‘tallet’ paksa me “Tre Luanët” e Gareth Southgate.

Pogba doli në një video live në “Instagram”, ku po këndonte dhe kërcente.  Ndërsa mbante në duar ‘Kupën e Botës’, ai tha: “It’s coming home” (‘Po vjen në shtëpi’). Por, pastaj ylli i “Djajve të kuq” e kuptoi gabimin e tij dhe vështroi kamerën dhe kërkoi falje.