Gjergji Muzaka tashmë është konfirmuar në organikën e Skënderbeut dhe me anë të një dalje publike ka treguar arsyet pse zgjodhi që të qëndronte në Korçë.

Sipas tij vendimi i marrë për të qëndruar në Korçë vjen pas një analizë të gjatë dhe zgjedhja ka qënë një formë benikërie për klubin me të cilin ka bërë histori duke fituar kampionate por edhe duke u  paraqitur në Europa League.

“U krijua ky ekip i mrekullueshëm dhe besoj se kam qene pjesë e pandashme e sukseseve që ka arritur ky ekip ndër vite. Të gjithë ne që kemi qënë pjesë e këtij grupi e ndienim për obligim që të gjithë të qëndronim. Ne lojtarët që kemi qënë pjesë e këtij ekipi në pjesën më të bukur të karrierës sonë, tani kemi betejën më të vështirë. Ashtu siç ka momente të mira normalisht pas këtij dënimi ka edhe momente të vështira që duhet t’i kalojmë të gjithë bashkë.

Pse jo Flamurtari? Jam i nderuar dhe i vlerësuar që trajneri Daja ka kërkuar shërbimet e mia edhe në Vlorë. E falenderoj publikisht, pasi ka një meritë të madhe në ecurinë time. Do të ishte peng i madh nëse do të largohesha tani”.