Juventus nuk ndalet dhe aksi mes Madridit dhe Torinos duket tejet i nxehtë, veçanërisht pas kalimit të Ronaldos nga Real Madrid tek Juventus. Mesa duket, kolegët e “TMW (TuttoMercatoweb) kanë arritur të infromohen nga burime pranë klubit bardhezi se, Juventus ka gjetur marrëveshjen me kapitenin e Atletiko Madrid, Diego Godin.
Sipas asaj që mësohet Godinit i është ofruar një marrëveshje tre vjeçare nga Juventus dhe kjo ka bërë që lojtari të jetë entuziast. Problemi është se edhe Atletiko Madrid ka bërë një ofertë të ngjashme dhe tashmë duhet parë vendimi i lojtarit, se cilën nga ofertat do të zgjedh. Godinit i përfundon kontrata më 30 qershor 2019 me madrilenët.
