Transferimi i Cristiano Ronaldos në Torino duket se nuk po ecën ashtu siç pritej, të paktën për sa i përket fushës së lojës.

Ndonëse u bënë tre ndeshje tashmë me ekipin italian të Juventus, portugezi nuk ka arritur të shënojë as edhe një gol të vetëm.

Por ndërsa në fushën e lojës CR7 ka treguar se mund të përballojë forcën dhe ndërhyrjet e ashpra të mbrojtësve italianë, jashtë saj nuk është shumë i kënaqur.

“Corriere dello Sport” shkruan se Ronaldo ka kërkuar truproja shtesë për të dhe familjen e tij, i shqetësuar sepse vila luksoze ku ai jeton është shumë e ekspozuar.

Portugezi raportohet t’i ketë kërkuar Juventusit të organizojë edhe dy grupe të tjerë shtesë me roje, një për familjen e tij dhe një që të qëndrojë në mënyrë të përhershme në shtëpinë e tij, për të shmangur vizitorë të paftuar.