Ndonëse Skënderbeu nuk është pjesë e kampionateve ndërkombëtare këtë sezon, Shehi nuk i lë djemtë të pushojnë.

Klubi korçar ka programuar një test në dispozicion të trajnerit Orges Shehi dhe stafit teknik për të mbajtur lojtarët në ritëm.

Për këtë ekip është siguruar një ndeshje miqësore me Pobeda Prilep nga Maqedonia. Takim i cili do të zhvillohet pasditen e nesërme në orën 17:30 në stadiumin "Skënderbeu". Njoftimin e ka bërë vetë klubi në faqen zyrtare në "Facebook". Pas projektit për ndërtimin e Akademisë së Futbollit për të rinjtë, drejtuesit e klubit kampion janë gati për të ngritur projektet e reja.