Mesfushori i kombëtares shqiptare, Valon Ahmedi ka nisur një aventurë të re. Lajmin e ka bërë të ditur vetë Ahmedi, i cili në “Instagram” ka postuar paak më parë edhe kalimin dhe zyrtarizimin te skuadra e tij e re Hapoel Kirjat Shmona, në kampionatit izraelit.
Ahmedi ishte pjesë e skuadrës së Mariborit, por nga sa bëhet e ditur, kohët e fundit ai e humbi vendin e titullarit. Kjo nuk është pritur aspak mirë nga Ahmedi, i cili luajti edhe në Ligën e Kampionëve duke bërë edhe paraqitje shumë të mira, por me sa duket është detyruar që të ndryshojë destinacion.
23-vjeçari detyrohet që pas gjashtë sezoneve në radhët e skuadrave të njohura sllovene të Celjes e Mariborit të nisë një aventurë të re në kampionatin izrealit, aty ku shpreson që të jetë titullar duke qenë se është në kulmin e karrierës futbollistike.
