Derbi turk mes Gallatasarait dhe Fenerbahçes, edhe këtë herë nuk ka kaluar i qetë. Lojtarët e të dy skuadrave, janë përfshirë të gjithë në një përleshje në momentin që arbitri sinjalizoi mbylljen e takimit. Shumë prej lojtarëve të Gallatasarait e kishin inatin me Xhailson dhe të gjithë nisën ta ndiqnin me vrap, por ai ia doli që të futej në tunelin e stadiumit.

Ndërkohë, ndeshja u mbyll në barazim 2-2, ku Donk dhe Lines çuan rezultatin në 2-0 për vendasit, ndërsa Valbuena nga penalltia dhe Xhailson barazuan në pjesën e dytë. Me këtë rezultat, Gallatasarai pozicionohet e dyta me vetëm një pikë më pak se Basaksehir, kurse Fenerbahçe mbetet në vendin e 15 me vetëm 10 pikë të grumbulluara.