This is why Pep Guardiola is the best coach in the world because even after a great win he still has that desire to tell Sterling what he could do better
Sapo gjyqtari e sinjalizoi përfundimin e ndeshjes kundër Manchester Unitedit, trajneri i Manchester Cityt, Pep Guardiola, shkoi drejt lojtarit të tij, Raheem Sterlingut, të cilin e qortoi për sjelljen e tij në fund të ndeshjes kur kishte tentuar t’i turpëronte Alexis Sanchezin dhe Marouane Fellainin.
Guardiola arriti përmes taktikave të tij ta mposhtë rivalin e tij të vjetër, Jose Mourinhon, në ndeshjen e zhvilluar dje në stadiumin Etihad, që përfundoi me rezultat 3-1.
Edhe pse në konferencën për shtyp, që u mbajt menjëherë pas ndeshjes, strategu spanjoll u shpreh shumë i lumtur me paraqitjen e futbollistëve të tij, ai e kishte qortuar Sterlingun në fushë menjëherë pas përfundimit të ndeshjes.
Në minutat e fundit të ndeshjes, Sterlingu i bëri disa driblime të vazhdueshme të topit me qëllim për t’i turpëruar dhe provokuar lojtarët e “Djajve të kuq”, Sanchezin dhe Fellainin. Juan Mata, kishte shkuar te Sterlingu për ta kritikuar për sjelljen e papërshtatshme, megjithatë anglezi ishte mbështetur nga tifozët e klubit në stadium
Sapo përfundoi ndeshja dhe sapo Jose Mourinho doli na fusha dhe shkoi drejt zhveshtores, Guardiola shkoi te Sterlingu dhe tentoi t’ia sqarojë atij se ai nuk duhet të sjellët në këtë mënyrë me lojtarët e tjerë.
Sterlingu ishte habitur nga kjo gjë dhe tentoi t’ia sqaronte veprimin e tij Guardiolës, megjithatë ishte e qartë se këta të dy kishin botëkuptime plotësisht të ndryshme për këtë incident dhe nuk u pajtuam.
Por, Guardiola dhe Sterlingu e harruan shpejt këtë ngjarje pasi që e uruan njëri-tjetrin për fitoren dhe vazhduan ta festojnë triumfin në derbin e Mançesterit.
