Deputeti i Lëvizjes Socialiste për integrim Përparim Spahiu ka reaguar në lidhje me shpenzimet qeveritare për koncesionet në shëndetësi.

Ai në një shënim në rrjetet sociale shkruan se, “për periudhën 4-mujore defiçiti ishte 8,7 miliardë lekë me një rritje 21 për qind në krahasim me të njëjtën periudhe të një viti më parë”.

Postimi i plotë

Koncensioni i check-up dhe sterilizimit rëndon skemën e sigurimeve shëndetësore. Kjo sipas të dhënave të Ministrisë së Financave.

3 miliardë lekë janë programuar këtë vit të financohen për koncesionet në shëndetësi nga këto 870 milion për atë të check-up.

Për periudhën 4-mujore defiçiti ishte 8,7 miliardë lekë me një rritje 21 për qind në krahasim me të njëjtën periudhe të një viti më parë.

Lind pyetja:

Ndërkohë që KM nuk ka asnjë shqetësim për emigrimin masiv, nuk ka asnjë shqetësim për rritjen e aborteve si rezultat i mundësive të kufizuara ekonomike, pra plakje të popullsisë, nuk ka asnjë shqetësim për koncesione që përveç se mbushin xhepa kompanish nuk sjellin asgjë...

Ku po shkojmë...????