Gjykata e Tiranës ka vendosur masën e sigurisë arrest me burg në mungesë për Avdjol Dobin. Avdjol Dobi është administratori i DH Albania kompania qe akuzohet për falsifikimin e dokumentave, e cila kishte fituar tenderin e Unazës së Madhe.

Pritet që të ketë masa sigurimi edhe për persona të tjerë, ditët në vazhdim. Dyshimet janë se pas kompanisë DH Albania të fshihet biznesmeni Bashkim Ulaj, pasi Dobi ka lidhje familjare me të. Dobi fillimisht ka punuar si recepsionist i një spitali privat në kryeqytet, dhe krejt papritur fiton një tender prej 20 milionë eurosh nga ana e ARRSH-së me dokumente false.

Dobi është thirrur 3 herë në prokurori por nuk është paraqitur, ndërsa nga të dhënat e sistemit Tims ky shtetas rezulton se është akoma brenda vendit. Kujtojmë se Unaza e Madhe ka shkaktuar një furtunë të vërtetë, për shka se është larguar nga detyra ministri Damian Gjiknuri si dhe është shkaktuar drejtori i ARRSH-së Afrim Qendro.

Të njëjtin fat me Qendron pati dhe drejtori i OST-së Klodian Gradeci, pasi DH Albania kishte përfituart po ashtu një tender me vlerë 11 milionë euro nga ky institucion.

Pothuajse në të njëtën ditë ministrja Belinda Balluku njoftoi dhe tërheqjen e qeverisë nga koncensioni që i kishte dhënë Gener 2 për aksin rrugor Thumanë-Kashar me pretendimin se poaratë do tiu jepen studentëve për Paktin për Universitetin.