Prej sot në Kosovë nuk do të mund; të hyjë pa iu nënshtruar taksës 100 për qind asnjë lloj malli nga Serbia, pavarësisht vendit të origjinës.

Këtë vendim Qeveria e Kosovës e ka marrë pas kërkesës të ministrit të Tregtisë dhe Industrisë, Endrit Shala, në mënyrë që masa prej 100 për qind t'i trajtojë njëlloj të gjitha kompanitë.

Ministri Shala u shpreh se kanë sugjerim nga të gjithë miqtë që të trajtojnë në mënyrë të barabartë të gjitha kompanitë.  "MTI dëshiron që të jetë e barabartë për të gjitha kompanitë, për këtë MTI kërkon heqjen e listës, e cila do të hyjë në fuqi më 1 janar të vitit 2019", tha ai.

Kurse, kryeministri Ramush Haradinaj tha se ajo që është e papranueshme është letra e kryeministres serbe, Ana Bernabiq, e cila kërkon që vendet që kanë njohur Kosovën ta tërheqin njohjen. Sipas tij, kjo është e papranueshme.