Surreli “i varfër” si historia e çorapeve të grisura të Nexhmijes

Diel, 06 Janar 2019 09:58

Në propagandën e djeshme të Ramës, u mor vesh se superbunkeri i Surrelit ka është i varfër dhe nuk ka mbaruar ende. Financuesi i tij i tha popullit se nuk ishte siç e dëgjuan më parë se e kishte ndërtuar me “para emigracioni”, por ishte ndryshe (si ishte kjo ndryshja nuk u mor vesh). Për ta bërë të besueshme këtë gënjeshtër edhe dhoma e pikturave e Ramës meqë doli n publik oxhaku i shtrenjtë u quajt re një shoku që nuk u mor vesh kush ishte. Me një fjalë o popull, Rama ju bën budallenj, ta hajë kush ta hajë.  Nuk ka ku të shkojë më. Se Surreli që është vetëm një tregues për nivelin e lartë të korrupsionit të Ramës nuk ka pikë fature që të vërtetojë gjithë atë superharxhim të bërë. Dhjetëfish le t’i vendosësh rrogat e Ramës, sikur të ishte kursimtar e nikoqir i madh nuk bën as një bunker nga kompleksi i bunkerëve që ka ndërtuar. Rama i tregoi popullit bunkerin e papërfunduar (që mund të ishte foto nga koha e ndërtimit të tij), por kurrsesi çfarë ka brenda objekti që ruhet me aq xhelozi. Donte t’i thoshte popullit që ai jeton “si gjithë të tjerët”. Edhe gjatë diktaturës, udhëheqja kriminale e Enverit dhe Nexhmijes, pasi e kishin vrarë dhe vjedhur deri në palcë këtë vend, bënin propaganda të llojit se Nexhoja i arnonte çorapet Enos. Enveri shkruante në vepra e qante hallin se thërrimet e bukës nuk duheshin hedhur, se çorapet duhet arnoheshin mirë, etj. Pra, këta hajdutë e kriminelë të floririt shqiptar, pronarët e Shqipërisë, po na tregonin se ishin të kursimit. Këtë e bënin për t’i mbledhur sa më shumë rripin popullit, siç edhe ia bënë duke e futur në gjumë të thellë letargjik. Nga kjo propagandë, shefja e propagandës, Nexhmija, nuk hoqi dorë as tani vonë. Para dy vitesh deklaronte se mezi i dilte rroga gjatë kohës së diktaturës, mezi mbyllnin muajin. Pra, kur ia donte puna për propagandës për një “Shqipëri të fortë” thonë ndryshe, e kur duan të duken “si gjithë të tjerët”, thonë të kundërtën e të mëparshmes. Edhe Rama ishte në gjurmët e këtij kazani komunist propagande. Loja më e fundit, ishte në funksion të një gënjeshtre tjetër nga kazani i tij që është më pak cilësor se kazani i plehrave apo i rakisë. Nuk i shkojnë as një sulltani të vogël, siç edhe e gënjen veten Rama se është.

Modifikuar më Diel, 06 Janar 2019 14:58

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Teatri Kombëtar, kompania BIG e projektit nuk e mohon ndarjen nga Fusha.shpk

Aktualitet

Teatri Kombëtar, kompania BIG e projektit nuk e mohon ndarjen nga Fusha.shpk

Bjarke Ingels Group (BIG) ka konfirmuar se mbetet “i ngazëllyer” për “përfshirjen e vazhdueshme” në zhvillimin e ndërtesës së Teatrit Kombëtar në Tiranë, pa dhënë asnjë detaj në lidhje me...

Rinia e varfër e Ibrahim Kodrës

Kulturë

Rinia e varfër e Ibrahim Kodrës

Ibrahim Kodra, kur ishte 17 e pak vjeç, ishte “bursjer në kursin e dytë Daltë”. Për shkak të pamundësisë ekonomike, i lutet drejtorisë së Institutit Teknik “Naim Frashëri” në Tiranë...

Daniel Steel, shkrimtarja e pavlerësuar që hyri në librin Guinness

Kulturë

Daniel Steel, shkrimtarja e pavlerësuar që hyri në librin Guinness

Se shkrimtarja amerikane Daniel Steel ishte në një periudhë kohe një nga emrat më të dëgjuar të letërsisë, këtë e dinë të gjithë ata që kanë shkuar qoftë edhe një...

Sondazh

Nothing found!

Sondazh

Nothing found!