Nuk ka të sosur estrada me lejfen Erion Veliajn. E konsumoi edhe një tjetër sot. Studio e tij agjitative shpërndau monologun e Veliajt shoqëruar me pamjet e një qytetari me origjinë nga Tepelenë i cili e falte banesën (dje tokën) për të mirën e qytetit (dje socializmit). Kishte kohë që nuk kishim parë të tilla skena nga galeria e pafund e propagandës komuniste. Shyqyr Zotit që kemi Erion Velinë që na i kujton. Dikur në diktaturë, kur fshatarët i dorëzuan vetë bagëtitë për të mirën e kolektivizimit, partia organizonte koncerte, me radio apo me orkestër. Krijoheshin skena qesharake sepse fshatarët që “dorëzonin” vetë bagëtitë qanin ngaqë po bëheshin trokë (siç edhe u bënë). Zyra e propagandës së Bashkisë së Tiranës dhe njeriu më i papërshtatshëm për të drejtuar bashkinë në vite (propaganda nuk është punë) po kujdesen maksimalisht që të përhapin sa më shumë lajme të rreme rreth ndërtimit abuziv të unazës së madhe. A mos Veliaj është në shërbim të Afrim Qendros, apo lejfeni ynë regjistron orën e propagandës te kryetari i madh?