Presidenti Ilir Meta ndodhet në një takim zyrtar në Turqi, ndërsa shumë pikëpyetje janë ngritur, nëse kreu i shtetit do të kthehet apo jo për të firmosur lirimin nga detyra të Bajram Begajt nga posti i Shefit të Shtabit të Përgjithshëm të Ushtrisë.
Zëdhënësi i Presidentit të Republikës, Tedi Blushi, ka shuar çdo dyshim. Ai bën me dije se Meta ka zhvilluar një bisedë telefonike me ministrin e Mbrojtjes Niko Peleshi, ndërsa shton se presidenti do të respektojë çdo vendim të Kuvendit të shprehur me votë.
“Presidenti i Republikës, Sh.T.Z Ilir Meta është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë.
Lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, z.Niko Peleshi”, shkruan Blushi.
