Disa ndryshime që mendoj se do të sillnin përmirësimin e proceseve në të ardhmen e PD-së.

PD nga 2021 deri në 2022 ka evoluar dhe është përmirësuar dukshëm në aspektin strukturor, por kjo s'do të thotë që jemi në "top" formën tonë dhe që nuk duhet të nxjerrim mësime nga disa problematika që kanë dalë kohët e fundit për të cilat të gjithë jemi dakord. 
Disa propozime që do të kisha unë në të ardhmen dhe që mendoj se do të sillnin përmirësime të dukshme në formën tonë gjatë përballjeve të ardhshme do të ishin:
-reduktimi i numrit të votave që ka një delegat i kuvendit kombëtar për këshillin kombëtar nga 150 në 20.
-dorëzimi paraprak i listave nga organizatat partnere duke respektuar rregullat statutore dhe kuotat e paracaktuara në statut.
-reduktimi i votave të anëtarëve të keshillit kombetar nga 14 për burrat dhe 6 per gratë në 7 për burrat dhe 3 për gratë.
-Primaret të zhvillohen me debat dhe çdo pozicion tjetër të ketë platforma dhe debate rreth këtyre platformave dhe jo votime mekanike sa për procedurë. Dhënia e së drejtës për të votuar kushdo për kandidatët në pozicionet më të larta publike si kryetar bashkie apo deputet.
Sanksionimi në statut që këshilli kombëtar, kryesia dhe organizatat partnere të dërgojnë kandidaturat e tyre për anëtar kryesie të partisë pas kalimit në procese votimi për të fituar statusin e kandidatit dhe më pas votimi nga këshilli kombëtar për anëtar kryesie.

Arritjet e këtyre filtrave dhe proceseve do të sjellin këto benefite:
-e para do të rrisë seriozitetin dhe rritjen e rëndësisë institucionale të këtyre aparateve dhe votës në tërësi.
-e dyta do të sjellë demokratizimin e mëtejshëm të proceseve dhe të filtrave për përzgjedhjen e kandidatëve.
-e treta do të sjellë gjithëpërfshirjen dhe angazhimin e të gjitha strukturave për të dërguar emra të një kalibri të lartë për të arritur objektivat të cilat vendosen nga Kuvendi Kombëtar.